Meio cento de pessoas marcham até o Centro de menores Monteledo em apoio a Xurxo Rodrigues Olveira.

Passado o meio dia por volta de meio cento de pessoas partiam do Auditório de Ourense para mostrarem a sua solidariedade e apoio ao preso independentista Xurxo Rodrigues Olveira ao pé do Centro de menores Monteledo. A marcha organizada por Ceivar percorreu os aproximadamente três quilómetros de trajecto até o centro vigiada por efectivos da polícia espanhola. Entre berros de apoio aos presos independentistas, contra os centros de menores e as prisons, e consignas patrióticas, a marcha chegou ao centro de menores situando-se numha das abas do monte que circunda dito centro com o intuito de visibilizar-se melhor para os internos. As pessoas concentradas permaneceram por volta de duas horas lançando consignas de apoio ao Xurxo para depois realizarem um jantar numha carbalheira do próprio Monte-Alegre. Repressálias e resposta do Xurxo. Segundo pudo saber o nosso organismo, durante o tempo todo que a concentraçom permaneceu ao pé do centro Xurxo foi conduzido a umha dependência na que se viu obrigado a escuitar áudios coa intençom de ele nom ouvir os berros de apoio. Assim mesmo foi conduzido para umha cela de isolamento por ter respondido algum dos berros que, apesar das medidas tomadas polo centro, pudo ouvir. Para respostar estas medidas coercitivas por parte da direcçom do centro Xurxo realizará duas jornadas de jejum consecutivas como primeira medida de protesto. LIBERDADE INDEPENDENTISTAS!! DEFENDER A TERRA NOM É DELITO!!