Em liberdade o militante independentista detido nesta madrugada no marco da greve dos trabalhadores de Urbaser

A greve dos trabalhadores da Limpeza em Compostela chegou ao seu décimo dia. O conflito continua sem visos de soluçom. Enquanto, os bairros populares da cidade inçam-se de lixo e o governo local aplica abusivos “serviços mínimos” para retirá-lo das ruas céntricas da cidade. A pinça mediática e policial sobre os operários em greve já fijo sentir os seus efeitos e, nesta madrugada, à vez que se recrudecia a pressom informativa sobre os operários, com qualificaçons como “semi-terroristas”, segundo a concelheira de Limpeza, Álvarez-Santullano, a Polícia espanhola detinha umha segunda pessoa acusada de provocar incêndios em contentores de lixo. O detido na rua de Sam Pedro passou a noite numha inabitável ‘pre-cela’ ubicada na esquadra da Polícia espanhola na capital galega, sendo posto a disposiçom judicial nesta manhá e saindo em liberdade com a acusaçom de provocar incêndios en contentores de lixo. Vários jornais noticiavam hoje que nos últimos dias por volta dumha centena de contentores ardérom em Compostela em noites sucessivas. A autoria nom é explícita em nengum caso, mas o conflito laboral prolongado que a envolve é suficientemente eloquente a respeito da sua finalidade. Interrogatórios O militante independentista acusado de ‘incêndios’ no contexto da greve da Limpeza saia em liberdade nesta manhá depois de vários agentes espanhóis assegurarem (?) a sua participaçom nos factos que se lhe imputam. O detido foi submetido a interrogatório sobre as suas actividades e a relaçom com o conflito de Urbaser. A Polícia espanhola facilitou à ‘La Voz de Galicia’ a sua filiaçom política riscando-o de “militante da AMI”. ADIANTE A LUITA DE URBASER! SOLIDARIEDADE COM OS OPERÁRIOS DA LIMPEZA!