Após quase quatro meses de cativeiro e dispersom, na tarde de onte, 5 de maio de 2010, abandonava o cárcere de Soto del Real (Madrid) o preso independentista Óscar Sanches Branco. A sua posta em regime de liberdade provisória responde ao princípio de acordo entre a sua defesa e a fiscalia. Acordo que implicaria umha petiçom fiscal inferior a um ano de cárcere por um delito de tentativa de danos terroristas (art. 577 CP em relaçom com o art. 266 CP), polo que a teor da LACrim nom é permitido que nengumha pessoa com umha petiçom inferior a dous anos de privaçom de liberdade esteja em situaçom de prisom preventiva. Ainda à espera de ratificar o acordo entre defesa e fiscalia, e portanto, a posterior sentença sem necessidade de vista oral, resta por conhecer o ditame do tribunal; manejando-se a hipótese de suspensom da pena ou se umha vez ditada sentença e executada, Óscar Sanches, teria que ingessar em prisom até que se decretar a sua liberdade condicional, ou ainda se teria que cumprir o tempo restante de condena em prisom. De Ceivar congratulamo-nos por esta excarceraçom e enviamos um forte abraço ao companheiro Óscar, abraço que fazemos extensivo aos seus seres queridos. Porém, estes momentos de ledícia para todos e todas nós nom pode mais do que nos dar novos pulos na luita pola liberdade de todos os patriotas presos. ÓSCAR BEM-VINDO À TERRA!! UGIO, XURXO LIBERDADE!! DEFENDER A TERRA NOM É DELITO!!