Mais um 17 de Abril Ceivar soma-se à convocatória internacional do “Dia Internacional de Apoio aos Presos e Presas Políticas”. Quase coincidente este Dia Internacional com o julgamento do militante independentista Jurjo R. Olveira o dia 16 de Abril no Julgado Central de Menores, dependente do tribunal de excepçom “Audiencia Nacional”, o organismo popular anti-repressivo convocou para 15 de Abril em diversos pontos do País umha série de concentraçons em favor da liberdade dos presos independentistas galegos. Jornada que nasceu com o intuíto de reivindicarmos mulheres e homes presos por participarem nas luitas de liberaçom nacional e social que se livram em todo o Mundo e de denunciar as medidas de excepçom às que som submetidas e submetidos; regimes de isolamento, dispersom ou tortura, bem como todo tipo de arbitrariedades coas que procuram destruir a moral e o compromisso dos militantes encarcerados e encarceradas. Portanto, queremos renovar o nosso apoio aos presos e presas políticas e lembrar a aqueles combatentes galegos e galegas que mais deram e mais alto preço pagaram por pelejar, com todas as consequências, pola causa nacional galega e por mudar este mundo de destruiçom por um outro mundo justo, livre e solidário. “Conflitos sociais, políticos, naçons oprimidas, a dominante lógica do dinheiro e da acumulaçom, a especulaçom, o asovalhamento, a destruiçom, estám na origem das causas que levam milhons de seres humanos a pelejar no mundo” como recolhia aquel manifesto inicial de apoio às presas e presos políticos. Queremos lembrar de forma especial a Ugio Caamanho Sam-Tisso, Óscar Sanches Branco e Jurjo Rodrigues Olveira, combatentes galegos presos por luitar por um futuro de liberdade e justiça para este País, dispersados e centos de quilómetros da nossa Terra, submetidos a todo tipo de excepcionalidades legislativas, mesmo violandoras da própria legislaçom espanhola e da legislaçom internacional. Mas também queremos lembrar aos galegos e galegas antifascistas e comunistas actualmente encarcerados e encarceradas por denunciarem e combaterem esta mal chamada democracia, comunistas e antifascistas galegos e galegas às que recordamos também neste 17 de Abril. Assim aproveitamos esta data para reivindicarmos o estátus de preso e presa política para todos aqueles militantes que encarcerados sob a acusaçom de “terrorista” luitaram para alcançarmos processos democráticos e revolucionários garantes de justiça social para os nossos povos em luita. Por último, de Ceivar enviamos um forte abraço solidário a todas e todos eles. LIBERDADE PRESOS INDEPENDENTISTAS GALEGOS!! LIBERDADE PRESAS E PRESOS POLÍTICOS!!