Segundo informamos na tarde de onte, o preso independentista galego Ugio Caamanho sairia hoje a um novo destino da dispersom num cárcere de Andalucía ou Castilla y León desde a prisom espanhola de Valdemoro (Madrid). Finalmente, este destino é o centro penitenciário de La Moraleja, na província espanhola de Palencia, a 476 qm. do seu domicílio habitual. Confirma-se assim que o destino anterior –Valdemoro- ao que fora transferido a finais do passado mês de Fevereiro para, presuntamente, realizar trámites relativos à sua situaçom legal, era apenas um novo destino na série de cárceres que o independentista galego visitou desde o seu encarceramento em 2005 (Soto del Real, Navalcarnero, Cáceres, Teixeiro, Valdemoro, etc.). A situaçom actual do combatente galego, somada à de Jurjo R. Olveira e Óscar Sanches, também presos e dispersados, corrobora a decisom do Governo espanhol de manter a ilegal política de dispersom que aplica aos militantes presos e presas. Nada novo portanto no horizonte da tradicional política carcerária espanhola. Por parte de Ceivar queremos exigir mais umha vez ao Executivo de Madrid a imediata repatriaçom dos três independentistas galegos que actualmente mantém sequestrados nos cárceres do Estado, assim como a sua excarceraçom. Visitas e correspondência Para a realizaçom das visitas em La Moraleja as pessoas apontadas na listagem deverám por-se em contacto com as que coordenam este aspecto da assistência exterior aos independentistas galegos presos. Por outra parte, transcrebemos a continuaçom o actual destino de Ugio Caamanho Sam-Tisso, achegando um novo chamamento a mantermos colectivamente um flujo regular de correspondência com o patriota preso desde todos os pontos da Galiza. UXIO CAAMAÑO SANTISO Centro Penitenciário de La Moraleja 34120-Dueñas (Palencia) España LIBERDADE PATRIOTAS GALEGOS! DEFENDER A TERRA NOM É DELITO!