Pose Mesura aplica a repressom económica à `IV Marcha Nacional pola Liberdade dos Presos Independentistas`

A aposta do Governo espanhol na extorsom económica da militáncia independentista é umha estratégia repressiva que vem de longe. Se calhar, a única novidade é que esta prática se estende e diversifica a cada mais com a pretensom de fazer inviável o exercício da liberdade de expressom ou converter este num lucrativo negócio para a ‘Delegación del Gobierno de España’. @s participantes na última ediçom da Marcha pola Liberdade, que cada ano organizamos a um cárcere espanhol para exigir a liberaçom d@s pres@s independentistas, som os últimos destinatári@s conhecid@s de sançons económicas. Assegura o responsável político polas FSE no quadrante noroeste do País, José Manuel Pose Mesura, na carta que está a chegar nestes dias que no passado 26 de Dezembro “umhas 37 pessoas” se deslocárom em marcha pola N-634 “para solicitar a liberdade dum preso”. Aliás, aponta que @s manifestantes ocupárom “parte do arzém esquerdo da via, dificultando a circulaçom do tránsito rodado, com o conseguinte perigo de acidente, tanto para os peos como para as viaturas”. Pose Mesura minte mais umha vez, porquanto a marcha descorreu sem obstaculizar o tránsito, mas sabemos que as missivas da ‘Delegación del Gobierno de España’ som sempre um revoltalho de falsidades e manipulaçons cujo único objectivo é aplicar a repressom e converter o exercício da liberdade de expressom numha actividade pola que se paga. Advogados do organismo estám a responder as penas económicas da ‘Subdelegación’ com um recurso genérico. Convidamos as pessoas que podam receber estas cartas a que contactem com Ceivar dentro dos prazos prescritos para apresentar este recurso. Apontar, por último, que a extorsom económica a que somos submetidos, tanto em forma de missivas como a presente, como detençons, juízos, identificaçons, etc. nom vam paralisar o nosso trabalho social em defesa dos presos independentistas e de reivindicaçom da sua liberdade. LIBERDADE PATRIOTAS GALEGOS! POSE MESURA, REPRESSOR DO POVO!