Raúl A. C. foi identificado e detido onte em Compostela por efectivos da Polícia espanhola trás participar numha concentraçom na Praça do Obradoiro para exigir a esta prisom que respeite os direitos e a dignidade d@s familiares dos presos e presas independentistas encarcerados nesse centro penitenciário. Nesta manhá, saia em liberdade com cargos de “danos” e “desluzimento” trás passar a noite no quartel e declarar nos Julgados de Fontinhas. A detençom produziu-se na Alameda, momentos depois de os efectivos policiais cominarem Raúl A. C. e outras duas pessoas que o acompanhavam a se identificarem e ensinar as suas pertenças num local apartado do passeio principal. Posteriormente, o militante galego foi conduzido para o quartel da ‘Guardia Civil’ nas Cancelas. Esta entrega do detido a outro corpo repressivo teria relaçom com a inexistência de calabouços regulamentares nas dependencias que a Polícia espanhola tem hoje no antigo colégio Peleteiro. Durante várias horas, familiares e companheir@s do independentista deslocárom-se entre o quartel e a esquadra policial, recebendo por parte de ambos corpos repressivos a informaçom de que o detido nom se encontrava ali. Também no Julgado de Guarda se assegurou que a detençom de Raúl A. C. nom estava notificada. Esta impossibilidade de localizar o detido durante horas provocou que um grupo de pessoas permanecessem ante a esquadra policial à espera de que conhecer informaçom sobre o detido. A disposiçom judicial A última hora da tarde conhecia-se que Raúl A. C. estava detido nos calabouços do instituto armado espanhol e seria posto a disposiçom judicial a partir das 11:00 h. desta manhá. Por sua parte, o organismo realizou os trámites necessários para que o militante independentista galego dispugesse de assistência letrada da sua confiança, efectivando-se esta durante a declaraçom nos julgados. As acusaçons que pesam sobre Raúl A. C. som “danos”, em relaçom a um ataque à sede do jornal ultradireitista ‘El Correo Gallego’, e “desluzimento”, em relaçom a umhas pintagens realizadas durante umha manifestaçom em defesa da língua, e suponhem o início dum novo processo judicial contra um militante independentista. Concentraçom A capital galega amenceu hoje cuberta de pintagens e cartazes em que se denunciava esta nova detençom dum militante galego, chamando aliás a umha concentraçom em solidariedade com Raúl A. C. para as 10:00 h. Apesar da premura da convocatoria, com apenas 10 h., um grupo de pessoas se concentrou nesta manhá para exigir a imediata liberaçom do detido. STOP REPRESSOM POLICIAL! LIBERDADE INDEPENDENTISTAS!