A próxima sexta-feira 26 celebrará-se perante o edifício dos Julgados das Fontinhas (Compostela) umha nova concentraçom em solidariedade com a militante independentista e sindicalista da CIG Laura Bugalho. Recordamos aos nossos leitores e leitoras que Bugalho fora detida em 26 de Maio de 2009 por agentes da Polícia espanhola em relaçom à sua acçom sindical com trabalhador@s imigrad@s no nosso País. A detençom complementara-se com a entrada da Polícia espanhola nas dependências da central nacionalista e o domicílio da detia e a requisa de diversa informaçom. Fruto daqueles factos, que fôrom contestados com várias manifestaçons, é o processo judicial actualmente ainda em curso. Por parte do organismo popular anti-repressivo, assim como do Foro Galego de Imigraçom e de outras associaçons e organismos sociais vinculados à defesa d@s trabalhador@s imigrad@s, nom existe a mais mínima dúvida a respeito da honestidade de Laura Bugalho e de que o que está no alvo neste processo repressivo nom é outra questom que o trabalho sindical dumha militante galega. Queremos chamar aliás a atençom sobre o facto aparentemente paradoxal de que, enquanto pessoas comprometidas na defesa da classe trabalhadora devem passar periodicamente polos julgados acusadas de práticas inaceitáveis, máfias empresariais traficam com mao-de-obra imigrada com a colaboraçom de elementos integrados nas FSE como denunciava recentemente, por exemplo, a amplia reportagem publicada no nº 86 do jornal soberanista jos_content da Galiza a respeito da “importaçom” de trabalhador@s do Magreb. SOLIDARIEDADE COM LAURA BUGALHO! PAREMOS A REPRESSOM SINDICAL! DIA 26 TOD@S AOS JULGADOS DAS FONTINHAS!