A solidariedade com os presos independentistas galegos na comarca de Vigo experimentou umha forte intensificaçom desde 14 de Janeiro, quando eram detidos os militantes Óscar Sanches e Jurjo R. Olveira num controlo policial de estrada na parróquia de Salcedo. Ao intenso trabalho que desenvolve nestes momentos a assembleia de solidárias e solidários artelhada após as detençons soma-se também o labor próprio do organismo. Pintagens, faixas, reparto massivo de brochuras informativas, concentraçons de denúncia da repressom, concertos, recadaçom económica, etc. fam parte dum esquema de resposta que, desbordando a própria estrutura de Ceivar, foi capaz de reunir por volta da solidariedade activa dezenas de pessoas vencelhadas aos presos independentistas por laços pessoais, familiares, laborais e/ou políticos. Participando desta dinámica anti-repressiva ampla, a militáncia de Ceivar, que é mais um contingente humano implicado na assembleia de solidári@s, cubriu nesta semana vários pontos de Vigo com faixas reivindicando a liberaçom dos três prisioneiros políticos e a paralisaçom dos juízos políticos em Madrid. LIBERDADE PATRIOTAS GALEGOS! DEFENDER A TERRA NOM É DELITO!