A magistrada do Julgado de Instruçom nº 1 de Compostela, Ana López-Suevos Fraguela, vem de ditar a execuçom imediata da sentença contra duas militantes do organismo que em 2006 fôrom identificadas por agentes à paisana da Polícia Local quando colavam cartazes em solidariedade com @s pres@s independentistas. O auto que agora se executa impom 144 horas de “localizaçom permanente” –novo eufemismo ‘democrático’ utilizado para designar o “arresto domiciliário” franquista-, 550€ em conceito de multas e “indenizaçons” ao Governo municipal de Compostela e o pagamento das custas judiciais. Trata-se dum novo caso de extorsom económica aplicada à activa militáncia do nosso organismo que assumimos, tranquilamente, como um elemento que é inseparável da nossa prática. Apenas dizer ao respeito que aginha cumpriremos sete anos de intenso trabalho anti-repressivo que sempre tivo à sua frente as FSE em todas as suas taxonomias, a Justiça espanhola, a ‘Delegación del Gobierno de España’ de PP e PSOE, os meios de difusom e governos municipais como o de Compostela. Sabemos que nom podemos esquivar sempre a sua repressom. Mas eles também devem saber que, fagam o que fagam, já fracassárom na sua tentativa permanente de apagar a nossa voz. Nom nos calarám Nom nos calarám e o endurecimento progressivo e continuado de condenas e sançons por actividades “tam inofensivas” como a solidariedade com os independentistas presos apenas logra o efeito contrário ao que procuram os seus promotores: evidencia a natureza repressora e ditatorial de quem se metérom nesta espiral de longa duraçom de seguimentos, detençons, juízos, sançons guvernativas e violência. A execuçom deste auto confirma aliás umha evidência já conhecida: que, à margem do impulso político progressista ou conservador que oriente @s magistrad@s, hoje é impossível “ministrar Justiça” ajustando-se a umhas leis e protocolos que, como ocorre no presente caso, estám desenhados especificamente para fazer possível a aplicaçom da repressom e varrer do mapa social toda expressom de dissidência. DEFENDAMOS A LIBERDADE DE EXPRESSOM! NOM NOS CALARÁM! LIBERDADE PRESOS INDEPENDENTISTAS!