Julgado viguês pode cerrar “cautelarmente” a página web da AMI nas próximas 72 horas

Quando se cumpre o 1º aniversário da mobilizaçom de 8 de Fevereiro em defesa da língua, trazemos à nossa página um novo caso que engadir à restriçom permanente de liberdades democráticas básicas que enfronta a militáncia independentista neste País. A iniciativa da Fiscalia, o Julgado de Instruçom nº 8 de Vigo vem de decretar a clausura “cautelar” da página web da Assembleia da Mocidade Independentista (AMI). O encerramento do portal independentista está pendente do recurso da defesa e poderia efectivar-se dentro de 72 horas. O clausura da página da organizaçom juvenil enquadra-se no processo judicial aberto contra a AMI neste julgado polo vídeo ‘Vilingüísmo’. Nesta causa estám processad@s três militantes. Recordamos que e fita foi denunciada pola associaçom pró extermínio do galego ‘Galicia Bilingüe’, iniciando esta denúncia a instruçom dum processo do que a clausura do web é umha das medidas “cautelares” aplicadas. À espera de que aconteza nas próximas horas, de Ceivar queremos denunciar com absoluta contundência, e por enésima vez, este novo ataque à liberdade de expressom. Ventura Pérez Mariño autoriza a claussura A autoria deste novo ataque contra a liberdade de expressom por parte da judicatura é do ex magistrado da ‘Audiencia Nacional’ espanhola e ex alcalde “socialista” de Vigo (2003), Ventura Pérez Mariño. O ex regedor viguês caracterizara-se na breve etapa que estivo à frente da câmara municipal por um absoluto desleixo a respeito da normalizaçom da língua galega, tendo o espanhol como o seu veículo preferente de comunicaçom. GB como ariete da repressom Assinalar também que a associaçom presidida por Gloria Lago, para além da funçom política que joga no conflito lingüístico, é um instrumento privilegiado da ‘Delegación del Gobierno de España’ e as FSE para a repressom do entramado organizativo em defesa da língua nacional e, particularmente, da militáncia independentista. Neste momento, mais dumha centena de galeg@s tenhem abertos processos administrativos e judiciais –alguns, com provabilidade de ingresso em prisom- por participar em dinámicas de reivindicaçom da língua e oposiçom à tomada da rua pola associaçom xenofoba espanhola. O balanço da colaboraçom de GB com a repressom é bem gráfico: dezenas de pessoas processadas ou julgadas em todo o País, umha sangria económica em sançons taxável em dezenas de milhares de euros, activistas pró galego lesionadas polas FSE, acossa académica e criminalizaçom de estudantes pró galego nos liceus e, agora, a tentativa judicial de clausurar um meio de comunicaçom dentro da melhor tradiçom fascista espanhola. GB retrata-se com a sua praxe, delata a sua proximidade às teses da ‘Guardia Civil’ sobre a mocidade independentista e indica a que estratégias se subordina. Quem trabalhamos em defesa das liberdades democráticas e contra a repressom apenas podemos tomar nota. NOM AO ENCERRAMENTO DO WEB DA AMI! DEFENDAMOS A LIBERDADE DE EXPRESSOM! ‘GALICIA BILINGÜE’, INSTRUMENTO DA REPRESSOM!