Foro Galego de Imigraçom chama à mobilizaçom em solidariedade com a sindicalista da CIG Laura Bugalho

O Foro Galego de Imigraçom convoca para amanhá 4 de Fevereiro umha concentraçom de solidariedade com a sindicalista da CIG Laura Bugalho. A cita é a partir das 10:30 h. da manhá ante o edifício dos julgados de Compostela. Ali entregarám-se centos de pregos de apoio recolhidos a nível nacional e internacional reivindicando o arquivo do processo repressivo de que é objecto Bugalho desde a sua detençom em 2009. Recordamos que a sindicalista galega fora detida por agentes da Polícia espanhola no passado 26 de Maio graças a umha ordem dirigida desde a ‘Subdelegación del Gobierno de España’ na Crunha, facto que dá conta da forte cárrega política do actual processo repressivo. Após permanecer quase 48 h. detida em dependências da Polícia espanhola, Bugalho foi acusada de “falsidade documentária” em relaçom ao seu trabalho de assistência e informaçom a trabalhador@s imigrad@s na central nacionalista. Entendemos que, tanto a sua detençom, como a acusaçom judicial e o processo de que é objecto respondem a umha tentativa de punir umha pessoa destacada na sua acçom sindical com trabalhador@s galeg@s procedentes de outros países e exemplarizar, mais umha vez, a respeito de que podem aguardar da Justiça e a Polícia espanholas aquel@s sindicalistas que desenvolvam neste contexto de crise e recurte de direitos sociais umha acçom sindical à altura das circunstáncias. Convidamos as nossas leitoras e leitores a participarem na concentraçom convocada para amanhá. Pode-se consultar informaçom detalhada sobre o caso no web que anexamos ao pé desta notícia. SOLIDARIEDADE COM LAURA BUGALHO! DENUNCIEMOS A REPRESSOM SINDICAL!