Justiça espanhola processa activistas pró galego acusando-os de desordens públicas

Enquanto a língua do País enfronta as maiores agressons institucionais da etapa pós-franquista, dezenas de pessoas continuam a ser identificadas, sancionadas e julgadas em toda a Galiza por participarem na mobilizaçom social em defesa do galego. É o caso de activistas pró galego de Ferrol que amanhá serám processados sob a acusaçom de causarem “desordens públicas” durante a presença do grupo filofascista ‘Mesa por la Libertad Lingüística’ na cidade no passado 29 de Novembro. A ‘Mesa por la Libertad Lingüística’ é umha das expressons organizativas espanholas que, junto à mais conhecida ‘Galicia Bilingüe’, promove o auto-ódio na sociedade galega e a erradicaçom da língua nacional dos escassos espaços institucionais aos que hoje tem acesso. Informam do web de NÓS-UP, como exemplo da pobreza intelectual dos promotores da iniciativa supremacista, que as pessoas agora processadas por “desordens públicas” foram increpadas polos promotores da MLI com gritos como “Portugueses!” ou “Imbéciles!”. Está convocada para as 11:00 h. da manhá desta quinta-feira 28 de Janeiro umha concentraçom de apoio às últimas pessoas encausadas por defender a língua deste País. A cita é nos Julgados de Ferrol.