O encarceramento de Jurjo Rodrigues e Óscar Sanches, militantes independentistas detidos em Salcedo no passado dia 14 e, posteriormente, enviados a prisom pola ‘Audiencia Nacional’, desencadeou um amplo movimento de solidariedade na comarca de Vigo após as detençons. O repto agora é artelhar esta solidariedade num trabalho permanente de denúncia e mobilizaçom em favor dos presos. O programa de actividades e jornadas de trabalho organizado para as próximas semanas é o primeiro passo nesta direcçom. Após a assembleia celebrada no passado dia 15 no centro social Revolta, na que participárom trinta pessoas para contestar as últimas detençons de patriotas galegos, há agora convocadas jos_content assembleias e jornadas de trabalho. A programaçom que nos enviam desde Vigo é a seguinte: Quarta-feira 27 de Janeiro às 20:30 h. ASSEMBLEIA ABERTA no centro social O Guindastre Sexta-feira 29 de Janeiro às 19:00 h. CONCENTRAÇOM frente ao mercado do Calvário para exigir a repatriaçom e a liberdade dos presos independentistas galegos Sexta-feira 29 de Janeiro às 21:30 h. CEIA SOLIDÁRIA no centro social Faísca Para além destas primeira iniciativas está programada a celebraçom de jornadas de trabalho anti-repressivo as segundas, quartas e sextas nos centros sociais Faísca, Guindastre e Revolta, respectivamente. Os horários de início destas jornadas coincidirám com os de abertura dos respectivos centros sociais. LIBERDADE PATRIOTAS GALEGOS! ADIANTE A SOLIDARIEDADE COM OS PRESOS! DEFENDER A TERRA NOM É DELITO!