Se a repressom policial e judicial tem o seu protocolo, do trabalho anti-repressivo independentista também dispomos do nosso próprio. Aliás, dumha notável capacidade de mobilizaçom, como reconhecia recentemente a própria ‘Guardia Civil’ no juízo contra José M. Sanches e Sánti Vigo em Madrid. A activaçom deste valor que caracteriza o independentismo galego iniciava-se onte a escassas horas de conhecer-se que dous militantes foram interceptados pola Polícia espanhola num controlo de estrada. Colagem de cartazes informativos, colocaçom de faixas, correios, SMS e a convocatória de sete concentraçons contra a repressom som o prelúdio das mobilizaçons que se produzirám nas ruas galegas na tarde de hoje O programa de convocatórias é o seguinte: LUGO na Praça do Campo às 20:30 h. OURENSE frente à ‘Subdelegación del Gobierno’ às 20:30 h. VIGO no Museu Marco (Rua do Príncipe) às 20:00 h. PONTE VEDRA na Praça de Peregrina às 20:00 h. FERROL na Praça Amada Garcia às 20:30 h. CRUNHA na Praça do Obelisco às 20:00 h. COMPOSTELA na Praça do Toral às 20:00 h. Do organismo popular anti-repressivo chamamos mais umha vez a activarmos essa solidariedade colectiva e incondicional que nos caracteriza frente à repressom. Chamamos a tod@s @s que se definem independentistas, soberanistas ou, simplesmente, portam com dignidade a etiqueta de democratas, para respostarmos colectivamente, com força e contundência, ante o último sequestro policial de independentistas galegos. UM PRESENTE DE LUITA PARA UM FUTURO NOSSO LIBERDADE PATRIOTAS DETIDOS! TOD@S À RUA CONTRA A REPRESSOM! QUE VOLTEM PARA A TERRA! PSOE REPRESSOR!