Segundo a informaçom procedente da Agência EFE que facilita hoje o jornal ‘La Voz de Galicia’ na sua ediçom digital às 13:12 h., a Polícia espanhola detivo dous independentistas galegos por volta das 3:00 h. da passada madrugada num controlo policial “preventivo” que se liga às medidas de controlo excepcionais ligadas à presidência espanhola da UE. Segundo esta fonte, as detençons praticárom-se em Ponte Vedra e os detidos portariam “um artefacto explosivo de fabricaçom caseira”. Segundo a ‘Dirección General de la Policía y la Guardia Civil’, que cita o diário espanhol, ambos detidos circulavam num Peugeot 206 “em direcçom à cidade de Ponte Vedra” e estám “vinculados ao contorno do movimento independentista galego” (sic). A dirigência policial assegura que no interior do veículo encontrou-se “um artefacto explosivo de características similares aos utilizados em anteriores atentados por independentistas galegos”. Aponta ‘La Voz’ que as investigaçons policiais estám pendentes de “vários registos domiciliários”. Conduzidos a Madrid Advogados vinculados ao organismo popular anti-repressivo informárom de que um dos detidos é menor de idade e responde às iniciais Jurjo R. O. Esta pessoa teria solicitado a assistência letrada dos nossos advogados umha vez produzida a detençom.Tanto este como o outro detido estariam a ponto de serem conduzidos aos Julgados Centrais dos tribunais de excepçom em Madrid. Informaremos ao longo da tarde de novos dados de que podamos dispor.