Ugio Caamanho fará encerramento de 48 h. para protestar pola continuidade de registos corporais a familiares e amigos que acodem a visita

A política de aplicar registos corporais a familiares e amig@s de presos e presas políticas continua activa no macro-cárcere de Teixeiro. O preso independentista galego Ugio Caamanho adoptará por este motivo jos_content medidas de protesto. Caamanho encerrará-se na sua cela no primeiro e segundo dia desta semana para reivindicar a paralisaçom deste tipo de tratamento humilhante e desnecessário que a prisom aplica aos seus familiares e companheir@s. A medida adoptada polo combatente galego produz-se semanas depois de que a direcçom de Teixeiro, ao parecer, seguindo directrizes de ‘Instituciones Penitenciarias’, ordenasse a realizaçom de cacheios corporais às pessoas que acodem a vis-a-vis com o preso político. Esta intervençom é, como informamos em anteriores ocasions, totalmente desnecessária do ponto de vista da segurança das instalaçons carcerárias, umha vez que Teixeiro dispom de tecnologia que fai prescindível este tipo de práticas. Assim, entendemos a aplicaçom dos registos corporais como umha medida impositiva que tem como único objectivo submeter a um trato degradante as pessoas que acodem a prisom para visitar e, por outra, no caso dos presos políticos, induzir à suspensom dos vis-a-vis. Exigimos à direcçom do centro penitenciário e a ‘Instituciones Penitenciarias’ a suspensom desta prática ilegal e o restabelecimento da normalidade no regime de visitas do preso indepedentista galego. NOM AOS REGISTOS CORPORAIS! UGIO CAAMANHO LIBERDADE! DEFENDER ATERRA NOM É DELITO!