Mais um ano, celebraremos a ‘Marcha pola Liberdade’, umha mobilizaçom anual organizada por Ceivar no mês de Dezembro na que nos deslocamos até centros penitenciários espanhóis onde estám recluid@s independentistas galeg@s para reivindicar a sua liberdade. Nesta quarta ediçom, a ‘Marcha pola Liberdade’ percorrerá os dous quilómetros que há desde a gasolineira dos Morangueiros até a prisom de Teixeiro, onde actualmente está preso o patriota galego Ugio Caamanho. Ali dará-se leitura ao comunicado que Ceivar emite com motivo deste acto anual. A ‘IV Marcha pola Liberdade’ convoca-se em 2010 num contexto conflitivo dentro da prisom espanhola à que nos dirigiremos. Concretamente, nas últimas semanas a direcçom deste centro penitenciário, presuntamente, a instáncias do ‘Ministerio de Interior’, decidiu impor às visitas vis-a-vis de presos e presas políticas o extranho requerimento de serem registados corporalmente para poderem visitar os seus familiares e amig@s recluid@s. A medida carece, como já informamos, de qualquer fundamento em matéria de “segurança”, umha vez que existe a tecnologia necessária para que este trato humilhante seja desnecessário da óptica da prisom. Saída em carros particulares Por outra parte, para além do conjuntural, é em Teixeiro onde se encontra recluido actualmente o militante independentista galego Ugio Caamanho. Recordamos que Caamanho reingressou em prisom no passado 28 de Novembro trás ser detido na Crunha para cumprir a parte de condena que tinha “pendente” desde a excarceraçom em 2008, que é de 17 meses. O objectivo desta IV Marcha pola Liberdade, além de denunciar a permanência em prisom dum independentista galego, será exigir a sua liberdade e denunciar as medidas repressivas de excepçom que se pretendem implantar nesta prisom. O ponto de saída da marcha é a gasolineira dos Morangueiros, da que partiremos às 12:00 h. da manhá deste sábado 26 de Dezembro. O deslocamento até o ponto de encontro fará-se de carros particulares. Nesta semana informaremos através do portal dos pontos e hora de saída das diversas comarcas do País. Animamos leitores e leitoras a participardes nesta IV Marcha pola Liberdade 2009, assim como a colaborardes na campanha a desenvolver nos próximos dias contactando com as assembleias locais do organismo.