Ugio Caamanho denuncia a aplicaçom do registo corporal às visitas de familiares e amigos com um encerramento na cela

Denunciavamos nas últimas semanas como por parte da direcçom de Teixeiro se pretende aplicar o registo corporal às pessoas que acodem à prisom para fazer vis-a-vis com os reclusos. A aplicaçom do novo “requisito” tivo já resposta por parte de familiares e amig@s de presos políticos, produzindo-se incluso a detençom do pai do preso basco Iñaki Peña no próprio centro penitenciário. Agora, som os próprios presos que estám a adoptar medidas de contestaçom contra esta prática humilhante que nom tem coarctada possível na “protecçom da segurança” O preso independentista galego Ugio Caamanho fará um ‘chapeio’ hoje e amanhá como medida de denúncia contra o registo manual das visitas. Este encerramento na cela que se prolongará durante 48 h. é umha estratégia comum por parte d@s pres@s polític@s para enfrontar medidas como a presente e implica a renúncia a assistir a actividades do centro, saír o pátio ou acodir ao comedor. O ‘chapeio’ de Caamanho rematará às 24:00 h. de amanhá. Segundo notícias recebidas através de familiares de presos independentistas bascos, estes também adoptárom já ou poderiam adoptar medidas reivindicativas similares. Medida desnecessária O registo corporal é umha prática totalmente desnecessária de umha óptica de segurança das instalaçons, umha vez que existem raquetas ou arcos magnéticos que permitem localizar qualquer objecto nom permitido sem o trámite humilhante dos apalpamentos corporais. Assim, o registo corporal nom é mais que umha medida aplicada no contexto dum endurecimento progressivo da vida em prisom que se produz ao calor do conflito basco e que, agora, salpica também aos/às familiares de presos e presas políticas. Por parte de Ceivar, para além de mostrar a Ugio Caamanho a nossa solidariedade activa através da difusom desta denúncia, assim como ao conjunto de presas e presos que neste momento estám envolvidos neste conflito penitenciário, animamos agentes sociais e políticos, meios de difusom alternativos, colectivos auto-gestionários, etc. a estender por todos os meios possíveis a informaçom sobre os acontecimentos que estám a ocorrer em Teixeiro e a luita que travam os presos e presas cujos familiares e amig@s som objecto desta prática humilhante. STOP REPRESSOM EM TEIXEIRO! NOM AOS REGISTOS CORPORAIS!