Chamam à solidariedade económica para evitar o encarceramento ou reduzir o tempo de estadia em prisom dum independentista

Mais umha vez resenhamos informaçom sobre repressom penitenciária contra jovens independentistas galegos. Neste caso, trata-se de Alexandre Rios, militante da organizaçom juvenil Briga condenado a ingressar 6 meses no cárcere após as cárregas praticadas por efectivos da Polícia espanhola contra @s participantes na manifestaçom convocada pola central nacionalista CIG no 1º de Maio de 2008 em Vigo. Rios poderia ingressar no cárcere ao ter antecedentes penais por participar também na luita contra o recrutamento de jovens galegos para o Exército espanhol. O jovem independentista foi condenado recentemente a 6 meses de cárcere junto a outros quatro filiados da CIG polos factos de 2005. Contrariamente aos seus companheiros, Alexandre Rios tem antecedentes penais, dado que também foi processado por despregar em Ponte Vedra umha faixa com a legenda “Exército espanhol assasssino” em Junho de 2006. A Justiça espanhola estimara no seu dia que semelhante actuaçom contra o recrutamento de jovens galegos era tipificável de delito de “injúrias às Forças Armadas” e é aqui onde aparecem os antecedentes que “motivam” o possível encarceramento. Além disto, a citada fonte informa de que Rios deverá fazer frente a 6.000€ a pagar em conceito de “multas, faltas e responsabilidade civil” produto dos juízos citados. O impagamento das sançons elevaria a estadia carcerária “mais de um ano em total”. Comutar pena de prisom por sançom pecuniária A organizaçom juvenil Briga anunciou “umha campanha de solidariedade com Alexandre para a recolhida de achegas económicas que podam impedir a sua entrada em prisom, ou polo menos reduzi-la”. A estes efeitos, a contorna política de Rios solicitou através do advogacia contratada para o caso “umha comutaçom da pena de prisom por umha multa, o que elevaria a quantia a mais de 8.000 euros”. O número da conta aberta para fazer frente a este novo caso de extorçom económica contra as militáncia independentista galega é 2080-0143-31-0000057719