Ugio Caamanho ingressa em Teixeiro com a incerteza de se ‘Instituciones Penitenciarias’ procederá de novo à sua deportaçom ilegal

Nesta tarde, o militante independentista galego Ugio Caamanho ingressava na prisom de Teixeiro para cumprir umha condena de 1 ano e 5 meses de cárcere. Esta pena é a fracçom de condena “pendente” de cumprimento pola sua participaçom na sabotagem com bomba contra um caixeiro de Caixa Galicia em Julho de 2005. Um grupo de solidári@s permaneceu ante os julgados da Crunha à espera da posta a disposiçom judicial de Caamanho entre as 10 da manhá e as 3 da tarde para exprimir o seu apoio ao patriota galego. O tratamento policial recebido por Caamanho desde a detençom na tarde de onte por efectivos espanhóis foi “correcto”. O novamente preso independentista galego foi posto nesta manhá a disposiçom judicial para lhe ser comunicado o ingresso em prisom e a continuaçom era transferido num furgom da ‘Guardia Civil’ à prisom espanhola de Teixeiro, onde neste momento se encontra no Mödulo de Ingressos. Desconhecemos se ‘Instituciones Penitenciarias’, órgao directamente dependente do ‘Ministerio de Interior’, designou este destino como “definitivo” ou, por contra, tem previsto praticar mais umha vez a dispersom ilegal do combatente galego. Solidári@s concentrad@s Um grupo que ao longo de toda a manhá oscilou entre 15 e 20 pessoas concentrou-se com umha faixa ante os julgados da Crunha para manifestar o seu rechaço a esta nova detençom e aguardar notícias concretas sobre a situaçom de Caamanho. Segundo o que já alcançou o rango oficioso de trámite, tod@s @s participantes nesta mobilizaçom anti-repressiva fôrom identificados por agentes da Polícia espanhola. A concentraçom na rua Alfonso Molina logrou que milhares de pessoas visualizassem a detençom do militante independentista. À saída dos julgados, Caamanho, rodeado por polícias e ‘guardias civiles’, saudou desde a distáncia @s concentrad@s com visível satisfacçom enquanto est@s coreavam palavras-de-ordem como “Ugio Caamanho, liberdade!”, “Defender a Terra nom é delito!” ou “Liberdade patriotas galegos!”. Produzírom-se momentos de certa tensom entre solidári@s e agentes da repressom quando Caamanho foi introduzido algemado no furgom da ‘Guardia Civil’ ante a vontade dos primeiros de aproximar-se do veículo. Os ex presos independentistas galegos José Manuel Sanches e Santiago Vigo também participárom na concentraçom anti-repressiva. Visitas e chamadas Telefónicas De Ceivar queremos exprimir a nossa satisfacçom pola resposta dada a esta detençom, com colagens de cartazes, pintadas, envios massivos de correio, certa presença mediática, etc. que lográrom convocar em apenas umhas horas um grupo de solidários e solidárias. Apontar, por último, que à espera do destino penitenciário que o ‘Ministerio de Interior’ reserve a Ugio Caamanho, aquelas pessoas que desejem participar nas turmas de visita no cárcere e no contacto telefónico com o militante preso devem contactar com o organismo e a Plataforma Que voltem para a casa! para se assinarem nas listagens. DEFENDER A TERRA NOM É DELITO! UGIO CAAMANHO, A LUITA CONTINUA! LIBERDADE INDEPENDENTISTAS!