Ugio Caamanho foi detido hoje polas FSE na Crunha

O militante independentista galego Ugio Caamaho foi detido hoje na Crunha polas FSE. Caamanho está neste momento em dependências policiais à espera de ser posto amanhá a disposiçom judicial para cumprir a parte a parte de condena “pendente” após a sua excarceraçom em Novembro de 2008. As assembleias comarcais do organismo popular anti-repressivo articularám nas próximas horas as respostas informativas e de mobilizaçom que sejam necessárias para contestar este novo ataque da repressom. Aliás, Ceivar porá a disposiçom do detido assistência letrada para fiscalizar o processo em que está imerso neste momento. Ante o próximo reingresso em prisom do patriota galego, de Ceivar alertamos sobre a possibilidade de que, conforme foi norma desde a sua detençom em 2005, Ugio Caamanho seja dispersado a umha prisom espanhola situada fora do território da Galiza. Carecemos de mais dados à hora de redigirmos esta noticia. Facilitaremos nas próximas horas informaçom mais detalhada sobre a detençom e as iniciativas de resposta em curso. Apontar, por último, que a repressom contra a militáncia independentista galega é um beco cego: ninguém vai paralisar as ánsias deste povo por viver com liberdade e independência. O combate nacional pola autodeterminaçom e a independência vai continuar até alcançar os seus objectivos estratégicos. LIBERDADE PARA UGIO CAAMANHO! DEFENDER A TERRA NOM É DELITO!