Teixeiro pretende aplicar registos corporais a familiares de presos políticos bascos como condiçom para aceder à visita mensal

A repressom sistemática que o Executivo espanhol aplica ao Colectivo de Presos Polític@s Basc@s (EPPK) dava recentemente jos_content voltas de porca com a sugestom governamental de ilegalizar Etxerat –associaçom de parentes de pres@s- e, agora, desde Setembro, com a circular supostamente enviada polo ‘Ministerio de Interior’ aos cárceres na que se impom aos familiares dos presos e presas bascas a obriga de serem registados corporalmente e, em casos, espidos, para visitarem os seus familiares encarcerad@s. A macroprisom de alta segurança de Teixeiro pujo já em andamento este novo sistema e o conflito está acima da mesa. Desde o passado 7 de Setembro, @s familiares de pres@s polític@s basc@s nom realizam visitas mensais vis-a-vis em Teixeiro como medida de protesto ante a prática humilhante do registo corporal. A tentativa da direcçom do cárcere espanhol de cacheá-los manualmente antes de acederem à visita é o motivo da negativa. Segundo informam a este portal familiares de pres@s independentistas basc@s recluíd@s em Teixeiro, os carcereiros asseguram que esta nova prática repressiva deriva dumha “circular de Madrid”, mas em todos os casos em que foi exigida negam-se a apresentá-la. A sua existência é, portanto, incerta. Os sucessos começárom, como apontamos, no passado 7 de Setembro. Nesta data, vári@s familiares que vinham de percorrer 700 kms. para visitar @s pres@s fôrom advertidos de que tinham que submeter-se ao cacheio corporal antes de acederem à visita. “Curiosamente”, existem sistemas de registo como o arco magnético ou o emprego da raqueta eléctrica que garantem a segurança do cárcere. No entanto, tanto ‘Interior’ como as direcçons de prisons como Teixeiro estám cientes de que @s familiares nunca se deixárom tocar como exigência para aceder à visita, com o que nos encontramos ante um mecanismo que apenas procura impedir esta. Detençom dum familiar No passado 7 de Setembro os familiares solicitárom a suposta circular, mas os carcereiros negárom-se a apresentá-la e comunicárom que, se se negavam ao registo, deviam marchar sem fazer visita. O pai do preso independentista basco Iñaki Peña, que se negou a marchar sem visitar o seu filho, foi detido e algemado por vários ‘guardias civiles’ por volta das 10:30 AM, sendo posto a disposiçom judicial em Betanços pola tarde. Trás emprestar declaraçom saia em liberdade com cárregos de “desobediência” e “resistência à autoridade”. Aliás, da direcçom de Teixeiro impujo-se-lhe umha sançom de três meses sem poder visitar o filho Factos similares repetírom-se em 14 de Setembro. Neste caso, os carcereiros, para além de negar-se a mostrar a circular, figérom o próprio com o regulamento interno do centro penitenciário e impedírom que @s familiares falassem com o ‘Mando de Incidencias’, a directora do cárcere Silvia Alonso Donis (Madrid, 1976), o subdirector de Segurança ou o subdirector de Tratamento. Como resultado, estes pugérom denúncia contra o cárcere por negar-se a ensinar a circular e tratar de submete-los ao tratamento humilhante dos tocamentos corporais, quando, se o motivo dos factos é a “segurança”, existem mecanismos que a garantem sem proceder a cacheios nem espidos. Solidariedade desde Galiza @s familiares de pres@s polític@s basc@s em Teixeiro denunciárom também a negativa do Mando de Incidencias a recebe-los e abandonárom o cárcere sem poder visitar os seus parentes. Do carácter selectivo da medida informa também o facto de que é apenas a familares de presos de ETA e outras organizaçons do MLNB que se aplica a presunta circular dos registos corporais. Familiares de outros presos e presas realizam o vis-a-vis mensal com absoluta normalidade e sem submeter-se ao trato degradante que pretendem impor aos bascos e bascas. Por parte do organismo popular anti-repressivo, além de dar a máxima difusom a esta informaçom que pom mais umha vez de relevo a política de repressom que se aplica em Teixeiro contra os presos e presas políticas bascas, queremos chamar a portais e publicaçons contra a repressom e de defesa das liberdades democráticas a divulgarem esta informaçom com a máxima intensidade. Temos a certeza de que esta nova volta de porca na repressom nom responde mais que ao nerviosismo das autoridades espanholas ante as jos_content iniciativas do independentismo basco para resolver politicamente o conflito entre Euskal Herria e o Estado espanhol. TEIXEIRO: CENTRO DE EXTERMÍNIO! EUSKAL PRESOAK, EUSKAL HERRIRA! SOLIDARIEDADE CONTRA A REPRESSOM!