Solidári@s com os presos independentistas colocam faixas reivindicativas em Teis e Cabral

As paróquias de Teis e Cabral amanecêrom onte com faixas reivindicativas ante o processamento de independentistas galegos na ‘Audiencia Nacional’. Solidári@s anónim@s figérom chegar ao nosso portal um dosier de imagens que informam do trabalho realizado em ambas paróquias viguesas. A reivindicaçom da liberdade para os militantes cujo juízo político se inicia amanhá na capital de Espanha e a demanda da sua repatriaçom imediata som os dous eixos nos que pivota a iniciativa d@s voluntári@s. As faixas apareciam na noite passada penduradas no alto dos depósitos que a empresa Campsa tem instalados na paróquia de Teis, assim como em diversos pontos da de Cabral, facilitando assim a rutura do cerco informativo a que está submetido o processo político que se inicia amanhá e a própria existência de independentistas galegos encarcerados por participarem na luita de liberaçom nacional e social do nosso País. LIBERDADE INDEPENDENTISTAS! AVANTE A SOLIDARIEDADE GALEGA!