Celebrárom-se as concentraçons e ceias organizadas para preparar a jornada de solidariedade com os independentistas presos

A campanha de solidariedade com os militantes independentistas que serám julgados em Madrid no próximo 2 de Outubro entrou na sua recta final marcada polo intenso trabalho de voluntári@s e militantes e o onipresente seguimento policial que se saldará com mais umha fornada de sançons administrativos abertas pola ‘Delegación del Gobierno de España’. A fim-de-semana passada foi ocasiom para as concentraçons e a celebraçom de ceias nalguns dos principais núcleos urbanos do País para tensionar as forças com vistas à viagem a Madrid. As concentraçons tivérom em quase todos os casos umha assistência inferior à prevista: 25 pessoas em Vigo, 20 em Compostela, 7 em Ponte Vedra e 27 na Crunha. Em Ferrol suspendeu-se a concentraçom prevista ante a assistência dum grupo reduzido de solidári@s. Por sua parte, na Estrada 4 pessoas despregárom umha faixa de denúncia do processo repressivo na Praça da Farola e a continuaçom repartírom brochuras informativas em várias ruas da vila. Igualmente, em Bertamiráns repartírom-se brochuras informativas no cruzamento da estrada de Noia com a desviaçom a Ortonho. Concentraçons pendentes Lugo e Ourense celebrarám concentraçons nestes dias. A da cidade das muralhas anunciará-se proximamente neste portal, enquanto em Ourense o acto está previsto para as 20:00 h. do dia 30 ante a ‘Subdelegación del Gobierno de España’. Autocarro a Madrid Notificamos por último que se está a ultimar a cifra de solidári@s que se deslocarám na noite de 1 de Outubro até a ‘Audiencia Nacional’ para estarem presentes no julgamento de Santiago Vigo Domingues e José Manuel Sanches Gorgas. Além do contacto directo, os telefones publicados em informaçons anteriores estám a disposiçom para aquelas pessoas que ainda nom se anotassem para a viagem. LIBERDADE PRESOS INDEPENDENTISTAS! DEFENDER A TERRA NOM É DELITO!