Guiados pola experiência do ano passado e polas previsons que esta indica num primeiro momento o autocarro que se deslocará a Madrid para exprimir a solidariedade galega com os dous independentistas julgados na ‘Audiencia Nacional’ partirá de Compostela por volta das 23:00 h. do dia 1 de Outubro. O veículo terá umha única paragem antes de saír do País às 00:30 h. do dia 2 na estaçom de autocarros de Ourense, para dirigir-se a continuaçom à capital de Espanha à que aguardamos chegar com as primeiras luzes do dia. De haver gente para encher dous ou mais autocarros haveria umha modificaçom no percorrido. Ficando um rota polo norte do país (Ferrol, Corunha, Lugo) e outra polo sul partindo desde Compostela (Ponte Vedra, Vigo, Ourense. Este suposto será confirmado polo organismo dias antes da viagem. Aquelas pessoas que desejem participar nesta mobilizaçom anti-repressiva devem reservar a sua vaga com antelaçom, ou bem contactando com a militáncia de Ceivar nas localidades, ou bem ligando para alguns dos telefones de contacto da campanha que publicamos recentemente neste portal, mesmo para se deslocar dalgumha das localidades aos pontos de saída ou passagem do autocarro. O autocarro é gratuíto mas para financiar a custosa defesa e campanha de solidariedade e apoio estám a ser distribuídos uns bônos-donativo de 10€ nos centros sociais do País e por parte d@s militantes e voluntári@s que participam na Campanha Nacional de Solidariedade com ambos repressaliados políticos. O regresso para a Galiza produzirá-se umha vez rematado o julgamento de Santiago Vigo e José Manuel Sanches, calculando-se que estaremos de volta na meia-noite ou primeiras horas do dia 3, sempre em funçom da duraçom da vista no tribunal de excepçom espanhol. Animamos desde estas linhas a fazer um esforço colectivo e de solidariedade contra a repressom participando nesta nova mobilizaçom até as portas da ‘Audiencia Nacional’. NOM SOM “TERRORISTAS”, SOM INDEPENDENTISTAS! LIBERDADE PATRIOTAS GALEGOS! 2-O TOD@S A MADRID!