Notificaçom urgente às pessoas multadas pola ‘Delegación del Gobierno’ por participar na contestaçom social a ‘Galicia Bilingüe’

A presente informaçom tem como destinatárias exclusivas as pessoas sancionadas economicamente nos últimos meses pola ‘Delegación del Gobierno de España’ por participar na oposiçom popular ao grupo ultraespanholista ‘Galicia Bilingüe’. Concretamente, aquelas que utilizárom o recurso disponibilizado neste mesmo web para recorrer as citadas multas governamentais. Nas últimas semanas estám a chegar aos domicílios de dezenas de pessoas sancionadas as respostas aos recursos apresentados. @s advogad@s da 62 Jurídica de Ceivar estám a disposiçom d@s sancionad@s para esclarecer qualquer dúvida a respeito dos seguintes passos burocráticos destinados a deixar sem efeito as multas da ‘Delegación del Gobierno de España’. O modo de contacto com nós é, ou directamente através da militáncia das assembleias comarcais, ou através do correio nacional ceivar@ceivar.org. Informar, também, que é intençom do organismo popular anti-repressivo, umha vez sejam definitivas as respostas a todos os recursos apresentados, voltar a recorre-los em Alçada e, finalmente, todas em bloco pola via do contencioso-administrativo esgotando todas as vias possíveis ante a brutal pressom económica a que o Governo espanhol pretende submeter o movimento normalizador da língua galega.