Nesta semana celebrárom-se em várias localidades galegas as primeiras assembleias comarcais destinadas a preparar a resposta ao processamento dos independentistas galegos Santiago Vigo e José Manuel Sanches nos tribunais de excepçom. Ambos militantes irám a juízo no dia 2 de Outubro em Madrid, solicitando a ‘Audiencia Nacional’ de Espanha para cada um deles umha condena de 8 anos de prisom por um delito de “depósito de explosivos” destinados, presuntamente, a atacar umha agência imobiliária no Barbança. As primeiras assembleias comarcais celebrárom-se nesta semana com umha significativa assistência. Assim, em Vigo participárom 14 pessoas, 15 em Compostela, 17 em Ourense e 6 na comarca de Taveirós, planificando-se em todos os casos as respectivas campanhas comarcais de socializaçom e denúncia do presente processo repressivo. A antelaçom com que se inicia a dinámica político-solidária permitirá com certeza nas próximas semanas umha maior extensom e intensidade da campanha que já se iniciou nalgumhas comarcas do País. Nova cita para o trabalho na comarca de Compostela A assembleia celebrada onte em Compostela acordou auto-convocar-se de novo para a próxima quinta-feira 17 de Setembro às 20:30 h. no centro social O Pichel para continuar desenvolvendo o labor dos distintos grupos de trabalho. Publicamos esta segunda convocatória, assim como outras que se podam produzir, na notícia actualizada sobre as actividades da campanha nacional. Viagem a Madrid Junto à dinámica propriamente anti-repressiva que se inicia, começa também a distribuiçom e venda de 300 BÓNUS SOLIDÁRIOS, que ao preço de 10€ permitirám repartir entre um amplo número de pessoas o pagamento do autocarro que deslocaremos a Madrid na noite de 1 para 2 de Outubro. Neste sentido, fazemos um novo apelo a leitoras e leitores deste portal a fazerem ingressos solidários à Caixa de Resistência que permite enfrontar os gastos ocasionados tanto pola presente campanha e o deslocamento a Madrid como os importantes gastos derivados da defesa jurídica dos patriotas processados. LIBERDADE PATRIOTAS GALEGOS! DEFENDER A TERRA NOM É DELITO! ‘AUDIENCIA NACIONAL’, TRIBUNAL DA REPRESSOM!