Dous novos detidos pola Polícia municipal de Cangas em relaçom à queima duns contentores e a rotura dumha luna do SCH

Segundo informa a ediçom digital do diário ‘La Voz de Galicia’, umha mulher e um home vizinhos de Cangas fôrom detid@s por agentes da Polícia Local da vila do Morraço. Desconhecem-se as suas identidades, mas, segundo os dados que facilita o jornal espanhol, trataria-se da proprietária e o condutor do carro no que, presuntamente, fugírom as pessoas que no passado sábado rachárom umha luna do banco SCH e incendiárom contentores trás o passo dumha manifestaçom de 5000 pessoas contra o porto desportivo ilegal de Massó. À espera de que se verifiquem as citadas informaçons, ‘La Voz’ assegura que um carro da marca Ford foi identificado por várias presuntas testemunhas presenciais que tomariam nota da sua matrícula para proceder à denúncia. A mesma fonte indica que @s detid@s negam as imputaçons que se lhes atribuem. Por parte de Ceivar estám-se a fazer as gestons necessárias para conhecer a identidade de amb@s vizinh@s e as imputaçons reais de que som objecto. Facilitaremos mais informaçom a medida de que se conheçam dados feacentes. A informaçom policial aparecida em ‘La Voz’ pode-se consultar através do linque que se anexa ao pé desta notícia.