M. R. L., detida onte na vila do Morraço por efectivos da ‘Guardia Civil’, saiu em liberdade com cárregos de “desordens públicas” e “danos” trás passar quase 24 horas em maos do instituto armado espanhol. Umhas 30 pessoas recebérom-a à saída do julgado por volta das 18:00 h. O magistrado competente rechaçou a solicitude de Habeas Corpus interposta polo advogado de Ceivar e anunciou que a investigaçom continua para localizar quatro pessoas mais que, presuntamente, teriam intervido no ataque a umha sucursal de SCH em Cangas e na queima de contentores no marco do conflito contra o porto desportivo ilegal de Massó. M. R. L. passou a maior parte do tempo de detençom no quartel que a ‘Guardia Civil’ tem em Ponte Vedra. Segundo pudemos saber após a sua liberaçom, efectivos da organizaçom espanhola assegurárom a M. R. L. intimidatoriamente durante a transferência do quartel de Cangas para o pontevedrês que estava a ser deslocada para Madrid, umha vez que seria acusada em palavras dos agentes dum delito de “estragos”. Nom se produzírom outro tipo de mal-tratos físicos ou psicológicos além dos resenhados e a privaçom de liberdade durante o tempo referido. ADIANTE A LUITA CONTRA O PORTO DESPORTIVO DE MASSÓ!! FORA A ‘GUARDIA CIVIL’ DE CANGAS!! STOP REPRESSOM!!