Detida em Cangas a militante independentista M. R. L. no marco da luita popular contra o porto desportivo do Salgueirom

A militante independentista M. R. L. foi detida na tarde-noite de onte por parte de efectivos da ‘Guardia Civil’ após a mobilizaçom popular para exigir a paralisaçom das obras do porto desportivo do Salgueirom. M. R. L. estivo esta noite em maos do instituto armado espanhol sem que neste momento se conheça se se encontra no quartel da ‘Guardia Civil’ de Cangas ou foi transferida para o de Ponte Vedra. O organismo popular anti-repressivo está a fazer as gestons necessárias para que a militante galega disponha de assistência jurídica e seja posta em liberdade quanto antes. O diário espanhol ‘Faro de Vigo’ acusa à cidadá galega na sua ediçom digital de hoje baseando-se em fontes policiais que M. R. L. ia “encarapuchada e portava umha garrafa de gasolina” quando se produziu a sua detençom e engade, aliás, a coletilha de que “fontes policiais vinculam-a à contorna do independentismo radical”. Nestes momentos, segundo esta mesma fonte, a ‘Guardia Civil’ procuraria a detençom de “outros três jovens que fugírom”. A informaçom sobre a detençom de Charo L. liga implicitamente esta com a queima de contentores em Cangas do Morraço no marco da luita popular que se desenvolve para paralisar as obras ilegais do porto desportivo do Salgueirom. Actualizaçom às 12:00 PM Segundo as últimas informaçons recebidas, M. R. L. encontra-se detida na ‘Comandancia de la Guardia Civil’ em Ponte Vedra. Extraoficialmente sabemos que a militante galega está acusada de “desordens públicas”, mas falta a confirmaçom oficial por parte do seu advogado. Seja como for, a defesa de M. R. L. solicitou a sua imediata posta a disposiçom judicial através da petiçom dum Habeas Corpus. É provável que a companheira seja apresentada nos julgados nesta tarde. Informaremos de eventuais iniciativas de mobilizaçom através deste portal. Seguiremos facilitando jos_content informaçons a medida que se produzam. DETIDA LIBERDADE! A REPRESSOM NOM É A SOLUÇOM! PARALISAÇOM DAS OBRAS DE MASSÓ!