Central Unitaria de Traballadores (CUT) apoia a convocatória da II Cadeia Humana pola Liberdade dos Presos Independentistas

A Central Unitaria de Traballadores/as (CUT) vem de somar publicamente o seu apoio solidário para a convocatória da II Cadeia Humana pola Liberdade dos Presos Independentistas Galegos, convidando os seus filiados e filiadas a assistirem à concentraçom organizada amanhá polo organismo popular anti-repressivo. A segunda ediçom deste acto de reivindicaçom dos presos independentistas galegos soma assim as adesons oficiais de Adiante (Mocidade Revolucionaria Galega), Assembleia da Mocidade Independentista (AMI) e a citada central nacionalista. Por parte de Ceivar apenas queremos parabenizar sinceramente o compromisso público da CUT com a luita pola repatriaçom e a liberdade dos actuais presos independentistas num momento em que a ‘Audiencia Nacional’ vem de fixar data para a celebraçom da farsa judicial em que ambos serám processados. Sabemos que nestes tempos de domínio generalizado da ‘correcçom política’ e a auto-censura, dos discursos que tantas vezes nom se correspondem com as práticas e da extensom da repressom por toda a parte, solidariedades como as exprimidas hoje pola CUT tenhem um valor se calhar ainda mais excepcional. É por isso que recebemos com braços abertos a adesom do sindicato nacionalista galego e, reciprocamente, oferecemos as infraestruturas, o apoio e a solidariedade dos homes e mulheres do organismo popular anti-repressivo para denunciar qualquer forma de repressom estatal e patronal que se desenvolva contra a classe trabalhadora galega e contra a Central Unitaria de Traballadores/as e @s seus militantes. Anexamos ao pé da informaçom o endereço web da CUT. LIBERDADE PATRIOTAS GALEGOS! DEFENDER A TERRA NOM É DELITO! AVANTE A SOLIDARIEDADE ACTIVA!