Segundo venhem de comunicar a este portal pessoas presentes na concentraçom desta tarde no quartel da ‘Guardia Civil’ de Cangas, dez das pessoas detidas nesta manhá saírom há uns momentos (20: h.) em liberdade com cárregos. Trata-se de Sabela Iglésias, Pipas, Píchi e Íria, activistas de A Ria nom se Vende; Édi Ferrin, de Bouças Move-te!; Passatem, do centro social A Cova dos Ratos; Cristóbal e um marinheiro e um vizinho de Cangas cujos nomes desconhecemos. Por outra parte, seis pessoas continuam em maos da ‘Guardia Civil’ e fôrom conduzidas ao quartel que a organizaçom armada espanhola tem destacado em Ponte Vedra. @s ainda sequestrad@s som Tiago Pérez, Sangabriel, Ricardo, a concelheira de ACE Marúchi, Maria José “Sé” e Íris. Presuntamente, estas pessoas serám postas amanhá a disposiçom judicial. A sua permanência nos quarteis do instituto armado espanhol deve entender-se como parte do guiom repressivo que os mandos da ‘Guardia Civil’ às ordens do ‘Subdelegado del Gobierno de España’ Delfín Fernández desenvolvem contra a luita popular do Salgueirom. As 200 pessoas que nesta tarde se concentrárom ante o quartel de Cangas saírom há uns momentos em manifestaçom até o Concelho da localidade do Morraço exigindo a paralisaçom das obras ilegais e a liberaçom sem cárregos das pessoas que permanecem retidas pola ‘Guardia Civil’. À vista dos últimos factos, é umha evidência que as autoridades políticas e policiais decidírom dar um passo adiante para derrotar a oposiçom popular à construçom do porto desportivo de Massó, aumentando para isso o nível de violência física e penal aplicada contra a vizinhança de Cangas.