Mais umha vez, a Polícia espanhola regou antonte com sangue operário as ruas de Vigo. Indivíduos fortemente armados agredírom novamente os trabalhadores do Metal demonstrando como, quando a manipulaçom informativa e a repressom laboral som insuficientes, sempre está a mao a violência do Estado democrático e de Direito para impor os interesses dos que realmente governam a situaçom. Sobram agora as palavras quando as imagens som tam eloquentes como as que achegamos no vídeo anexado. À difusom do material informativo da CIG nós apenas queremos engadir duas petiçons extensíveis a todas as galegas e galegos: nom esquezades nunca. Nom perdonedes jamais. A classe trabalhadora do Metal está a espir com a sua práxis ante toda a naçom a autêntica natureza do Reino de Espanha na Galiza. Nós tampouco esqueceremos nem perdonaremos. A reportagem da 15ª jornada de Greve do Metal é acessível através do linque inferior. AVANTE JÁ A GREVE GERAL!