Antom Árias Curto é, com certeza, um desses indivíduos que dam rosto humano à luita de todo um povo pola Autodeterminaçom e a independência nacional e que passarám à história dessa luita como um dos militantes que mais entregárom ao seu desenvolvimento. O home que co-fundou as organizaçons independentistas armadas Loita Armada Revolucionaria (LAR) e Exército Guerrilheiro do Povo Galego Ceive receberá no próximo dia 4 de Julho em Vigo o calor e o reconhecimento de centos de homes e mulheres deste País que, com Antom, consideram que a luita é o único caminho. A programaçom apresentada pola Comissom Organizadora desta homenagem, integrada por companheiros e companheiras do histórico independentista vinculadas aos centros sociais Revolta e Faísca, iniciará-se “com estrita pontualidade” às 20:00 desse dia e é a que publicamos a continuaçom: – Apresentaçom do acto pola Comissom Organizadora. – Projecçom dum documentário. – Actuaçom musical de María Xosé López. – Intervençons de María Luisa Fernández, Paco Atanes, José Sanmartim Bouça, Manolo Chao do Barro, Manolo Soto, Eva Loira, Luis G. Blasco “Foz”, Luis Fernández “Che”, Jon Etxandia, Irene Veiga, Antom Santos, Roberto R. Fialhega “Teto”, Antom Lôpes e María Osório. – Ceia. – Foliada. Apontam desde a organizaçom da homenagem que “o acto é totalmente aberto a qualquer pessoa que quera participar; porém, para participar na ceia é preciso anotar-se antes do 28 de Junho no CS A Revolta ou no CS Faísca, ou bem enviando um correio de confirmaçom” a homenagemcurto@gmail.com”. As vagas som limitadas. O custo da é de 12 euros e cubre também o custo do agasalho”. ANTOM ÁRIAS CURTO, A LUITA CONTINUA!