Ceivar chama à solidariedade económica com os militantes galegos sancionados por queimar umha imagem do Chefe do Estado

A sentença da ‘Audiencia Nacional’ contra Santiago Mendes e Alexandre Bolívar, independentistas galegos acusados de incendiar em 6 de Dezembro de 2007 umha imagem do rei de Espanha, foi confirmada nesta semana. Ambos militantes fôrom condenados por um “delito” de ‘injúrias à Coroa’ a pagar ao Estado as quantidades de 1800 e 2700€ respectivamente. Umha nova conta de solidariedade aberta para fazer frente à enésima expropriaçom de recursos económicos da militáncia galega servirá mais umha vez para socializar e repartir os custos também monetários da repressom. A definitiva confirmaçom da sentença do tribunal especial contra ambos patriotas galegos, além de obrigar a mobilizar a solidariedade, confirma mais umha vez o carácter também quase sacro que a administraçom nacionalista espanhola concede aos seus principais símbolos e figuras institucionais, reservando distintas formas de repressom para aqueles cidadáns e cidadás galegas que, como Santiago Mendes e Alexandre Bolívar, ousem questionar, ridiculizar ou deostar umha simbologia e uns cárregos institucionais que contam com o rechaço explícito de dezenas de milhares de galegos e galegas. Conta solidária Além de chamar à prática da solidariedade económica com ambos retaliados e destacar o carácter político e repressor dos tribunais que sucedérom o TOP franquista, de Ceivar animamos a militáncia independentista a nom deixar-se arredrar pola repressom sistemática que se nos impom, já for económica, policial, judicial, mediática, penitenciária, etc., assim como a seguir desenvolvendo todas as linhas de intervençom necessárias para o avanço da luita de liberaçom nacional frente a este Reino de Espanha que nega o direito de Autodeterminaçom e erige-se, desrespeitando a vontade democrática do nosso povo, em “patria indivisible e indisoluble”. CONTA DE SOLIDARIEDADE 2091 0316 99 3040015276 Conceito “Solidariedade com Alex e Sánti”