Segundo informa o PGL, “numerosos activistas pró galego” recebérom hoje nas suas moradas notificaçons de expedientes sancionatórios por parte da ‘Delegación del Gobierno de España’ na CAG. Esta página web denuncia que várias das pessoas sancionadas participaram em 8-F no acto ridiculista desenvolvido na Alameda de Compostela para contestar a mobilizaçom de GB em favor do extermínio da língua galega. Assegura o PGL que a comunicaçom oficial implica os expedientados em “actos violentos”, acusa-os de “impedir o direito de manifestaçom” d@s seguidores de Gloria Lago e José Manuel Posada e impom multas por valor de 600€. O noticiável do facto nom é, contodo, que a representaçom oficial do Governo espanhol na CAG aplique a repressom económica por via de expediente a activistas pró galego: dezenas de cidadáns e cidadás em todo o País recebérom desde Fevereiro estas comunicaçons. O novidoso é que a ‘Delegación del Gobierno de España’ se decantou por estender a repressom a absolutamente todos os sectores que no passado 8-F contestárom, dum modo ou outro, a saída à rua de GB. O critério punitivo real nom é, pois, “provocar distúrbios”, “impedir o direito à manifestaçom” ou “originar desordens”, mas, simplesmente, ter saído à rua para chantar-se ante o auto-ódio e o fascismo sociológico que representa GB. A generalizaçom da estratégia governamental a todo o movimento normalizador de base ispe os argumentos de quem, recentemente, faziam taxonomias de “bons” e “maus” manifestantes e solicitavam clemência para os primeiros e “contundência legal” para os segundos. Aliás, evidencia o que é que persegue Antón Louro (PSOE) desde a ‘Delegación del Gobierno de España’ que preside desde Abril: o mínimo comum denominador que reune detid@s e sancionad@s de Isca!, AMI, Atreu, Galiza Nova, Ceivar, Revira, Briga, Revolta, NÓS-UP, Baiuca Vermelha, ridiculistas, etc., é dizer, a defesa activa da língua nacional e a oposiçom aos partidários da sua substituiçom definitiva polo espanhol. PSOE com ‘Galicia Bilingüe’ A ninguém escapa que o PSdeG-PSOE fai pinça neste momento com GB e a extrema direita política e mediática que a arroupa para enfrontar um pulso com o movimento pola plena normalizaçom do galego. As quatro ‘Subdelegación del Gobierno de España’ que dirige Antón Louro, as FSE, a Justiça espanhola e o entramado mediático empresarial, que trata de vitimizar os agressores da língua do País, pugérom-se maos à obra para punir exemplarmente a exibiçom de dignidade galega de 8 de Fevereiro que tivo projecçom internacional. Anexamos ao pé desta informaçom o linque do PGL através do que se pode aceder a um dos expedientes recebidos. O conteúdo do documento repete-se em multidom das sançons enviadas, evidenciando que nom obedecem a casos concretos, mas a umha estratégia global de castigo contra pessoas e colectivos participantes na mobilizaçom em defesa do galego que a Polícia espanhola impediu com o emprego da violência no passado 8 de Fevereiro.