A Mesa Nacional do organismo popular anti-repressivo iniciou nesta fim-de-semana passada os preparativos da ‘II Cadeia Humana pola Liberdade dos Presos e Presas Independentistas Galegas’. O acto, que desde 2008 procuramos seja parte do calendário anual do organismo e da militáncia nacionalista galega, desenvolverá-se na Praça da Galiza da capital e visa denunciar a existência de independentistas galeg@s pres@s, a ilegalidade da dispersom penitenciária, a tortura e a plena vigência dos tribunais de excepçom como instrumento para a repressom do delito de natureza política. A primeira ediçom da ‘Cadeia Humana pola Liberdade dos Presos e Presas Independentistas Galegas’ realizava-se em 24 de Julho de 2008, a escassas horas do início do Dia da Pátria e sob umha intensa pressom policial. Neste ano, a data escolhida será idêntica. De Ceivar procuramos deste modo introduzir a reivindicaçom política da liberdade dos e das patriotas presas na agenda de actos do 25 de Julho e combater a invisibilizaçom informativa a que se submete esta realidade. De facto, em 2008, dezenas de milhares de pessoas galegas e estrangeiras conhecérom presencialmente e através de reportagens emitidas na rede a luita pola repatriaçom e a liberdade d@s pres@s independentistas galeg@s. A cita está colocada para as 19:30 h. de 24 de Julho na céntrica Praça da Galiza. A continuaçom deslocaremo-nos em marcha até a Porta do Caminho passando pola Praça do Pam e denunciando a situaçom de excepcionalidade repressiva à que neste momento estám submetid@s os patriotas Santiago Vigo Domingues e José Manuel Sanches Gorgas. A Mesa Nacional do organismo popular anti-repressivo convidará a participar neste acto de solidariedade activa dezenas de colectivos, associaçons e organizaçons de todo o País. Resposta à repressom A ‘Cadeia Humana pola Liberdade dos Presos e Presas Independentistas Galegas’ é um acto político que, além de procurar visibilizar a existência de independentistas galeg@s pres@s e denunciar a excepcionalidade repressiva a que som submetid@s, tem por objectivo denunciar a natureza anti-democrática do Estado espanhol e solidarizar-se com tod@s @s que som retaliad@s pola sua participaçom militante na luita de liberaçom nacional e social deste País. A existência deste acto nacional é, em si própria, umha denúncia dessa falta de democracia. De facto, as FSE dirigidas em 2008 por Manuel Ameijeiras identificaram nesse ano dezenas de voluntári@s e militantes de Ceivar que participárom na Cadeia Humana. Mais um ano, pois, sairemos à rua para exigir a repatriaçom e a liberdade da nossa gente encarcerada, para fazer ouvir a nossa voz e para dizer, colectivamente, bem alto e claro, a quem quiger escuitar, que seguem a ser uns imperialistas fracassados. Anexamos ao pé desta notícia a ligaçom ao vídeo elaborado por [GZvídeos] da primeira ediçom da Cadeia Humana que apareceu reproduzido nos portais mais inesperados. É preciso seleccionar a reportagem na coluna lateral direita. 24 DE JULHO: TOD@S À CADEIA HUMANA! LIBERDADE PRESOS INDEPENDENTISTAS! DEFENDER A TERRA NOM É DELITO! AUTODETERMINAÇOM E INDEPENDÊNCIA!