Funcionários da prisom de Mansilla de las Mulas comunicárom nesta semana ao preso independentista galego José Manuel Sanches Gorgas que, em breves, será dispersado mais umha vez. Neste caso, à prisom espanhola de Palência, situada a 492.9 quilómetros da localidade donde procede Sanches Gorgas. A decisom desta nova transferência parte como é habitual de ‘Instituciones Penitenciarias’, que prorroga assim umha ilegalidade como é impedir que presos galegos e galegas permanezam em centros carcerários próximos dos seus domicílios. A persistência de ‘Interior’ nesta política penitenciária enquadra-se no tratamento punitivo diferencial de que som objecto todos os presos e presas por motivos políticos. A ‘cunda’ produzirá-se nos próximos dias sem que, como soe ser costume, exista umha data concreta comunicada ao próprio preso. Neste sentido, convidamos as pessoas anotadas nas listagens de visitas para fins-de-semana a que se ponham em contacto com antelaçom com as companheiras que coordenam esta questom. Da nossa parte apenas denunciar por enésima vez a política penitenciária que o PSOE destina aos presos independentistas galegos, salpicada de ilegalidades, violência, privaçom de direitos e regimes de isolamento. De facto, Gorgas será transferido a Palencia em 1º grau penitenciário com todas as restriçons que estám associadas a esta classificaçom. Por outra parte, denunciar também que a dispersom-alonjamento do preso independentista galego supom a permanência da política que as autoridades espanholas destinam aos seus familiares, companheir@s e amig@s, forçados a partir de agora a percorrer quase mil quilómetros cada fim-de-semana para visitar durante apenas 45 minutos o patriota preso. Além de desrespeitar a sua própria legalidade e perpetuar a política de castigo a militantes que retém em prisom desde há quase ano e meio sem juízo, o Executivo espanhol demonstra, novamente, que está disposto a manter a sangria económica a que submete à contorna familiar e social dos presos independentistas. Sangria que se complementa com a possibilidade de acidentes em estrada nestes largos deslocamentos. A DISPERSOM, TAMBÉM É TORTURA! PSOE REPRESSOR! LIBERDADE PATRIOTAS GALEGOS!