A sindicalista Laura Bugalho foi detida na tarde de onte por efectivos da Polícia espanhola. A ordem de detençom contém umha alta cárrega político-repressiva umha vez que, segundo parece, procede directamente da ‘Subdelegación del Gobierno de España’ na Crunha e estaria relacionada com o labor de defesa de trabalhador@s imigrad@s que desenvolve Bugalho na CIG. À espera de novos dados que se facilitem na concentraçom convocada para esta tarde, Laura Bugalho continua nos calabouços que o corpo policial espanhol tem na capital galega. ‘DEFENDER IMIGRANTES NOM É DELITO’ é a legenda com que nesta tarde centos de pessoas se concentrarám a partir das 20:30 h. na Praça do Toral para exigir a imediata liberaçom da sindicalista. À hora de redigir-se esta informaçom (16:35) desconhece-se qual pode ser o estado de Laura Bugalho e se será posta a disposiçom judicial nas próximas horas ou no dia de amanhá. De Ceivar animamos a toda a vizinhança de Compostela e, particularmente, @s trabalhador@s imigrad@s, a concentrar-se como medida de pressom social para exigir a liberdade de Laura Bugalho. Trato policial despectivo Ao largo da manhá de hoje os efectivos da Polícia espanhola na esquadra de Compostela denegárom qualquer informaçom às pessoas que se apresentárom em Rodrigo de Padrom para solicitar informaçom sobre a situaçom da companheira. O hermetismo policial é absoluto. Além disto, companheir@s e amig@s da detida que se deslocárom à instalaçom policial vírom-se aludidos, mais umha vez, por comentário scomo “Esto se está llenando de guarros” (sic) em boca de agentes do corpo repressivo espanhol. O facto de que trás esta operaçom se encontre directamente a ‘Subdelegación del Gobierno de España’ na Crunha convida-nos aliás a destacar o carácter político-repressivo da detençom dumha sindicalista que se destaca dia-a-dia por um forte compromisso na defesa d@s trabalhador@s imigrad@s no nosso País. 27 DE MAIO, TOD@S AO TORAL ÀS 20:30 H. DEFENDER @S IMIGRANTES NOM É DELITO! LAURA BUGALHO, LIBERDADE! STOP REPRESSOM!