Ceivar organiza jornadas em solidariedade com os presos independentistas galegos em Trasancos nos dias 24 e 25 de Abril

Continuando a actividade das últimas semanas, a recentemente constituida assembleia comarcal de Trasancos do organismo popular anti-repressivo vem de convocar as primeiras jornadas “em solidariedade com os presos independentistas galegos”. As citas serám nos próximos dias 24 e 25 de Abril e nelas abordará-se tanto a criminalizaçom jurídica da dissidência política como o contexto repressivo actual sobre o independentismo galego. Advogados do nosso organismo ministrarám ambas palestras. Os actos que acolherám o Ateneu de Ferrol e o centro social da Fundaçom Artábria versarám sobre o actual conceito de terrorismo, a sua aplicaçom extensiva a todo tipo de dissidência incluida a que se exprime na legalidade e as políticas de contençom e repressom que se estám a aplicar para dificultar e impedir o avanço social do movimento independentista galego. A programaçom das palestras é a que segue a continuaçom: Sexta-feira, 24 de abril ATENEU FERROL às 20:30 h. “Terrorismo sem armas. A propósito da criminalizaçom dos movimentos sociais A carrego de Borja C. Ferreiro (advogado e activista de Ceivar) Sábado, 25 de abril C. S. ARTÁBRIA às 20:30 h. “Situaçom repressiva do independentismo galego” A cárrego de Alexandre Cortiças (advogado de Ceivar) Animamos @s noss@s leitor@s a assistirdes a ambas palestras e implicar-vos na colaboraçom com Ceivar como militantes, voluntári@s ou colaborador@s económic@s. Anexamos ao pé desta informaçom o cartaz das jornadas de Trasancos.