‘Dia Internacional dos Presos e Presas Políticas’ desenvolveu-se com reduzida assistência e discreta presença policial

130 pessoas concentrárom-se neste 17 de Abril nas principais cidades da CAG para celebrar o ‘Dia Internacional dos Presos e Presas Políticas’ convocado por Ceivar. À mobilizaçom de solidariedade com os presos e presas políticas galegas seguiu a celebraçom de ceias de solidariedade nas localidades de Vigo, Ourense, Compostela e Ponte Vedra. Tratava-se da primeira ocasiom desde a fixaçom de 17 de Abril como ‘Dia Internacional dos Presos e Presas Políticas’ (2004) em que Ceivar convocava simultaneamente a data nos principais núcleos urbanos do País. As cifras de participaçom na convocatória deste 17 de Abril fôrom desiguais segundo localidades, mas, em qualquer caso, fracas em geral e consideravelmente inferiores às da rede de apoios e solidariedades com @s pres@s independentistas tecida desde Julho de 2005. O carácter relativamente novidoso da data de 17 de Abril no calendário anual independentista, o facto de esta nom responder a acontecimentos repressivos concretos e a insuficiente socializaçom da convocatória som, provavelmente, as principais causas que explicam que os níveis de participaçom sejam francamente melhoráveis para futuras ediçons. Assistência por comarcas Com 33 solidári@s, a concentraçom convocada na cidade de Vigo foi a mais nutrida em assistência, seguida das de Crunha (25), Compostela (28), Lugo (15), Ferrol (11), Ourense (11) e Ponte Vedra (7). Além da participaçom, a celebraçom de 17 de Abril troujo também algumhas incidências policiais de ordem menor, como a identificaçom de solidários em Ferrol, a presença dumha carrinha policial na concentraçom da Crunha ou o despregamento de 30 ‘antidistúrbios’ nas proximidades da convocada frente à ‘Subdelegación del Gobierno de España’ em Ponte Vedra. Jornada anti-repressiva na Crunha Os actos de 17 de Abril concluírom neste ano com a Jornada Anti-repressiva celebrada na Crunha neste sábado. Um jantar popular no pub Faluja, duas palestras sobre “Legislaçom especial e independentismo”, ministrada polo advogado Borja Colmenero, e “Cárcere e repressom”, a cárrego dos ex presos independentistas Ugio Caamanho e Giana Gomes, celebradas no centro social Atreu! e o concerto de Unhazo e Mencer Vermelho na Casa das Atochas completárom a jornada.