Dous militantes independentistas serám julgados por denunciar o papel repressivo que cumpre a ‘Audiencia Nacional’

A ‘repressom de baixa intensidade’ continua a dar exemplos práticos da estratégia de desgaste sistemático que aplica o Estado sobre a militáncia independentista galega. À beira da extensom da política de sançons económicas por parte das ‘Subdelegación del Gobierno’ na CAG, a judicializaçom de todo o trabalho político-social é a outra constante neste desenho repressivo de larga duraçom. Assim, o próximo dia 16 dous militantes independentistas serám processados por denunciar publicamente o papel político que jogam os tribunais de excepçom na política de Madrid contra o independentismo galego. Aurélio L. e Paulo B. fôrom denunciados pola USC por realizarem em Janeiro de 2007 pintagens nas que se denunciava a intervençom da ‘Audiencia Nacional’ no processo repressivo que, naquela altura, afectava a Assembleia da Mocidade Independentista (AMI). Este processo, arquivado desde Junho de 2008, saldara-se com a detençom de 12 militantes da organizaçom juvenil, assaltos policiais a domicílios, roubo de documentaçom e objectos pessoais, o desenvolvimento dumha campanha mediática de criminalizaçom e a colocaçom d@s militantes processad@s num limbo legal durante um período que durou quase três anos. Agora, o processo judicial aberto pretende criminalizar o direito de auto-defesa frente a processos repressivos como o citado e o exercício dum direito tam elementar como é a liberdade de expressom. Se calhar nom é umha causalidade que seja a USC o organismo que nesta ocasiom, em plena sintonia com políticas de Estado, denuncie ambos militantes e seja a origem do seu processamento. Acto de denúncia e solidariedade Mantendo a dinámica de contestaçom sistemática a toda intervençom repressiva, seja judicial, policial, administrativa ou penitenciária, do organismo popular anti-repressivo convocamos para as 10:00 h. de 16 de Março umha concentraçom perante os julgados da capital galega para denunciar este novo processo judicial que tem no seu alvo a juventude independentista e exprimir a solidariedade com os repressaliados. STOP REPRESSOM POLÍTICA! DISOLUÇOM DA ‘AUDIENCIA NACIONAL’!