Ceivar chama a mobilizar-se em Vigo na defesa dos presos independentistas e contra a política penitenciária do PSOE

O organismo popular anti-repressivo mobilizará-se em Vigo no próximo sábado para exigir o cessamento das medidas repressivas extraordinárias de que estám a ser objecto os militantes galegos Santiago Vigo e José Manuel Sanches, dispersados ao cárcere espanhol de Mansilla de las Mulas. A concentraçom que pretendemos desenvolver visa também denunciar a política penitenciária do PSOE contra os presos independentistas galegos. Coincidirá com a presença em Vigo de destacados dirigentes do partido espanhol. A cita está marcada para as 11:30 h. da manhá de sábado 21 no Pavilhom das Travessas e consistirá numha encartazada frente ao comício organizado polo PSdeG-PSOE para solicitar o voto d@s vigues@s no próximo 1 de Março. Convidamos os nossos leitores e leitoras a participarem nesta mobilizaçom que trata de assinalar a responsabilidade do partido espanholista na situaçom actual dos nossos presos, exigir o respeito para todos os seus direitos e a liberdade de ambos militantes independentistas. ISOLAMENTO É TORTURA! LIBERDADE PATRIOTAS GALEGOS! PSOE REPRESSOR!