O seguimento da situaçom penitenciária em que se encontram os patriotas galegos José Manuel Sanches e Santiago Vigo, recentemente dispersados para a prisom de Mansilla de las Mulas (Leom), fijo-se mais difícil nos últimos dias. Como vinhemos informando, os presos independentistas fôrom transferidos em duas ocasions para o módulo de isolamento durante períodos de 72 h. por se negarem a compartilhar cela e exigir o seu direito a umha cela individual. Dado que as comunicaçons com o exterior fôrom restritas, temos escassos dados sobre a evoluiçom do pulso entre presos e cárcere. Contodo, existem indícios que apontam para a imposiçom do artigo 75.1 do ‘Reglamento Penitenciario’, que facilita o envio de ambos militantes para o módulo de isolamento por um período de três meses. O conflito iniciado pola direcçom do cárcere de Mansilla resolveria-se assim com umha nova dispersom ou com a passagem dos militantes para o primeiro grau de presos preventivos. Campanha de solidariedade e denúncia informativa Em qualquer caso, e à espera de confirmarmos a veracidade destas informaçons, do organismo iniciou-se em várias comarcas umha campanha de denúncia para dar a conhecer à sociedade galega a vulneraçom de direitos a que estám submetidos ambos combatentes galegos e assinalar a responsabilidade política directa do PSOE no desenvolvimento desta situaçom. Facilitaremos novos dados em quanto se encontrem da nossa mao. Finalmente, convidamos solidárias e solidários a por-se em contacto com as assembleias locais de Ceivar para participar nas iniciativas em curso com o objectivo de denuncia a situaçom repressiva que enfrentam os presos independentistas e as citadas responsabilidades políticas. LIBERDADE PATRIOTAS GALEGOS! O ISOLAMENTO TAMBÉM É TORTURA! PSOE REPRESSOR!