Publicamos a ligaçom ao vídeo editado polo [GZvídeos] sobre a repressom desatada no dia 8 contra manifestantes opost@s à marcha organizada pola associaçom anti-galega ‘Galicia Bilingüe’ na capital galega. Evitaremos comentários porque, também nesta ocasiom, graças ao excelente trabalho d@s companheir@s, a realidade do acontecido é palmária: manifestantes protofascistas e, em determinados casos, vinculados organicamente à extrema direita espanhola, passeiam-se pola nossa capital com protecçom policial exigindo a desapariçom do galego. Enquanto, dezenas de defensor@s da língua do País som privad@s do exercício de liberdades democráticas elementares e convertem-se em alvo dumha carnificina policial. É essa impossibilidade para exercer a liberdade de expressom e o direito de manifestaçom, além da própria violência policial açuçada e vitoreada por centos de galegófob@s, a que estende o protesto em defesa da língua e contra a marcha neofascista a toda a capital, enfrentando centos de independentistas a umhas FSE que, mais umha vez, encenando a sua tomada de partido no conflito lingüístico, protagonizárom múltiplos episódios de violência de Estado em Compostela. Animamos os nossos leitores e leitoras a dar a máxima difusom a este documento gráfico através de listagens de correio, projecçons, etc., umha vez que é o principal contra-peso para evidenciar o desenvolvimento real dos factos do dia 8 que, por próprio direito, passárom já à nossa memória colectiva de povo e de movimento como exercício de dignidade e resistência e pontual ‘Nunca Mais’ frente o novo fascismo disfarçado dumha inexistente “liberdade para eleger”. Apenas parabenizar mais umha vez [GZvídeos] polo seu labor fundamental contra a manipulaçom mediática e de denúncia da repressom espanhola. A ligaçom ao vídeo aparece ao pé desta notícia. EXIGIMOS LIBERDADES DEMOCRÁTICAS PLENAS! NA GALIZA, SÓ EM GALEGO! CONTRA A REPRESSOM, FIRMEZA E UNIDADE! GALIZA NOM SE RENDE!