Saiu livre com vários cárregos o independentista detido onte pola Polícia espanhola em Ourense

Nesta manhá foi posto a disposiçom judicial o independentista Roberto Conde, detido onte na sua morada por agentes da Polícia espanhola. Conde passou a noite nos calabouços da esquadra de Ourense e foi entregado nesta manhá nos julgados locais. Após a declaraçom, o jovem foi imputado por várias actuaçons tipificadas como delitivas entre as que se encontram “atentado contra agente da autoridade”, “desordens públicas” e “agressom” ao indivíduo de avançada idade que, antes de se iniciar a manifestaçom de ‘Galicia Bilingüe’, agrediu vários contra-manifestantes amparado pola passividade policial. A falta de jos_content informaçons, a detençom de Roberto C. dias após os factos de 8 de Fevereiro e a nova situaçom penal em que fica o independentista galego podem preanunciar a existência dumha operaçom por parte da ‘Delegación del Gobierno de España’ na CAG para punir a contestaçom nacional à mobilizaçom polo extermínio definitivo do galego, umha vez que o relevo informativo que alcançou aquela foi a melhor denúncia imaginável contra os agentes políticos e sociais que, amparando-se num particular “direito a elegir”, nunca respeitado para @s galego-falantes, pretendem sabotar qualquer avanço nos direitos lingüísticos colectivos. Cumplicidade mediática Conde é imputado entre outros por um ‘delito’ de “agressom” ao indivíduo de avançada idade que, ante a passividade de dezenas de ‘antidistúrbios’, começou agredir com o seu guarda-chuvas e a punhadas manifestantes em defesa do galego neste domingo. Destacar que este mesmo indivíduo, que nem foi identificado, nem muito menos detido, foi convertido por obra e graça da unánime manipulaçom informativa dos factos numha “vítima” de “descerebrados radicais”. Apontar, como melhor prova do desenvolvimento real dos acontecimentos, o vídeo que já circula pola Rede em que este nacionalista espanhol –convertido em ícone da luita “contra la imposición del gallego”-, bate num galego-falante ante o deixar-fazer das FSE. Nesta alínea de distorcionar os factos, criminalizar a resposta dada a ‘Galicia Bilingüe’ e fazer juízos mediáticos prévios aos processamentos judiciais, estám a agir mais umha vez a prática totalidade de diários, cadeias radiofónicas e televisivas. Valorizamos que esta vaga desinformativa gera na ‘opiniom pública’ o caldo de cultivo necessário para a comissom de jos_content detençons. Assim, devemos destacar o trabalho parapolicial desenvolvido polo diário espanholista ‘La Voz de Galicia’ que, prescindindo da presunçom legal de inocência reconhecida a qualquer pessoa detida, assegura em titulares na sua ediçom de hoje que Conde foi detido onte “por boicotar a marcha de Galicia Bilingüe”. Possibilidade de jos_content detençons A detençom e encausamento de Roberto C. foi denunciada onte por Ceivar por todos os meios possíveis. O conjunto de imputaçons a que é submetido pola Justiça espanhola, que poderiam supor a imposiçom de umha condena de vários anos de prisom, ao igual que vários dos dez detidos no passado dia 8, poderia anunciar a existência dumha estratégia da ‘Delegación del Gobierno de España’ na CAG para punir com contundência a exibiçom de dignidade dada por este povo no passado domingo frente a quem, com protecçom policial e uso da violência, passeiárom o seu ódio pailám à língua do País polas ruas de Compostela e exigírom o seu constrangimento exclusivo ao ámbito doméstico. Contacto com Ceivar Sem alarmismo, mas tratando de adiantarmo-nos a possíveis acontecimentos, queremos alertar à militáncia independentista e nacionalista da possibilidade de jos_content detençons em quanto as FSE processem o material gráfico capturado no dia 8. Convidamos pois a ligardes para Ceivar para facilitar contacto telefónico com advogad@s prévio a qualquer detençom, que poderia afectar as dezenas de pessoas identificadas por falarem galego, serem jovens ou terem um aspecto externo ‘nom homologado’. O organismo popular anti-repressivo estará atento a este possível cenário para dar, também na rua, a resposta necessária.