Presos independentistas galegos som dispersados à prisom espanhola de Mansilla de las Mulas

Segundo as informaçons que vimos de receber nesta tarde através de familiares de Santiago Vigo Domingues e José Manuel Sanches Gorgas, os dous presos independentistas galegos fôrom dispersados para a prisom espanhola de Mansilla de las Mulas (Leom). O deslocamento para este cárcere desde o de Aranjuez (Madrid) fijo-se finalmente após umha ‘cunda’ (tranferência) que previamente levou os presos galegos para o centro penitenciário de Valdemoro (Madrid). A transferência realizou-se segundo as nossas notícias sem que se produzisse qualquer incidência relevante e supom um relativo relaxamento a respeito das condiçons que ‘Instituciones Penitenciarias’ vinha impondo a familiares e amig@s de ambos pressos, umha vez que se reduzem as distáncias, os tempos em estrada e o gasto económico das visitas. Contodo, devemos denunciar que desde o departamento que preside Alfredo Pérez Rubalcaba (PSOE) continua a vulnerar-se um direito legalmente reconhecido na legislaçom espanhola e internacional a respeito de que todo preso deve permanecer em cárceres do seu território de origem. Notificamos às pessoas que estám anotadas em listagens de visita nos cárceres para que se ponham em contacto com as pessoas de referência por se fossem necessários novos trámites legais para a gestom destas visitas. Apontar, finalmente, que o novo destino penitenciário dos presos independentistas galegos é o que segue: JOSÉ MANUEL SÁNCHEZ GORGAS Centro Penitenciario de Mansilla de las Mulas Paraje Villahierro 24210-León ESPANHA SANTIAGO VIGO DOMÍNGUEZ Centro Penitenciario de Mansilla de las Mulas Paraje Villahierro 24210-León ESPANHA Animamos a leitores e leitoras ao envio maciço de correio, postais, informaçom, etc. como mais um meio para contribuir à comunicaçom entre os dous militantes galegos e o País quando nos aproximamos dos 14 meses de sequestro de ambos independentistas polo Estado espanhol em regime de ‘prisom preventiva’. Esta situaçom –privaçom de liberdade sem celebraçom de juízo- pode-se prolongar até quatro anos. LIBERDADE PATRIOTAS GALEG@S! A DISPERSOM TAMBÉM É TORTURA!