Repressom em Compostela contra activistas pro-galego

Achegamos umha primeira informaçom a respeito do acontecido esta manhá na capital galega. Segundo pudemos saber por testemunhas presenciais sete pessoas foram detidas no transcurso da mobilizaçom convocada polo colectivo espanholista “Galicia Bilingüe”, e apoiada por partidos espanholistas e fascista como PP, UPyD, Falange,. Informaçons por confirmar (de polícias da esquadra de Compostela) falam de dez ou doze detidos/as. A este respeito fazemos um chamameno para que aquelas pessoas que presenciaram detençons ou tenham algum tipo de informaçom se ponham em contacto com nós. A manifestaçom espanholista foi respostada contundentemente por centos de galegos e galegas que de diferentes formas ridiculizaram e interromperam a mobilizaçom anti-galega. Sendo objecto de repressom por parte das forças de ocupaçom, forças que em todo momento protegeram violentamente a comitiva espanholista e atacaram aos seus detractores. Isto provocou um forte enfrentamento entre activistas pro-galego e polícias que se reproduziu mais dumha hora por distintas ruas da capital galega, especialmente na zona velha ao passo da manifestaçom anti-galega. À espera da assistência dos advogados disponibilizados desconhecemos os motivos das detençons e os cargos que se lhe imputam a estas sete pessoas. As pessoas das que se confirmou a detençom respondem às iniciais (nome e primeiro apelido) de N.V., A.B., C.M., S.M., B.L., D.S, e L.A (única mulher da que se confirmou a detençom) Convocou-se umha concentraçom popular solidária com as pessoas detidas às 17:00 na Praça do Toural. De Ceivar fazemos um chamamento para apoiar às pessoas detidas e assistir à concentraçom convocada para as cinco da tarde. FORA ESANHOLISMO DA GALIZA!! AVANTE A NORMALIZAÇOM LINGÜÍSTICA!! SOLIDARIEDADE COM OS DETIDOS!!