Chamamos à mobilizaçom ante o juízo contra cidadáns galegos acusados de “menosprezar” à Coroa de Espanha

“Menosprezar e vilipendiar a figura de SM o Rei” de Espanha será a causa que no próximo 4 de Fevereiro sente ante os tribunais de excepçom do Estado espanhol os cidadáns galegos Santiago Mendes e Alexandre Bolívar, ambos acusados de dar lume a umha imagem de Juan Carlos I de Borbón em 6 de Dezembro de 2007. Mendes e Bolívar, militantes independentistas, enfrentarám sançons económicas de 3600 e 5400 euros respectivamente por incinerar, presuntamente, um cartom com a imagem do rei do país vizinho. Os militantes galegos serám julgados polo juíz especial Vázquez Honrubia a partir das 10:30 na Sala Central do Penal do tribunal sucessor do extinto ‘Tribunal de Orden Público’ franquista que encarcerou milhares de opositor@s à Ditadura espanhola. Dá-se aliás a circunstáncia de que o magistrado que instruiu o caso é o também juíz especial Fernando Grande-Marlaska, comprometido em várias das recentes acometidas repressivas do Estado espanhol contra a militáncia independentista galega. Além do estrambótico do caso, que situa o Estado espanhol ao nível dumha monarquias teocrática medieval e sacralizar a imagem dum dirigente político através da imposiçom de processos repressivos exemplarizantes a quem figer crítica da sua figura e do regime antidemocrático que representa, o processo a celebrar na ‘Audiencia Nacional’ é o paradigma da inexistência das mais elementares liberdades democrático-formais neste Estado. Temos a certeza, contodo, de que práticas repressivas como o que estamos a presenciar, apesar dos contra-tempos e moléstias que ocasionam, som umha ocasiom para desvelar a natureza neofranquista da ‘democracia a la española’. Mobilizaçom a Madrid A partir do critério guia utilizado desde a nossa constituiçom em Março de 2003 -oferecer assistência legal, política e mobilizadora a tod@s @s militantes independentistas que sejam objecto da repressom espanhola, por cima de filiaçons políticas, sindicais, etc.-, de Ceivar chamamos a cidadania galega e, particularmente, à militáncia independentista a deslocar-se à capital de Espanha no dia 4 e assistir a este novo processamento contra patriotas galegos nos tribunais de excepçom. Convocamos a que aqueles companheiros e companheiras que tenham disposiçom económica e temporal para fazer a viagem a Madrid contactem com as assembleias comarcais do organismo ou através do correio nacional ceivar@ceivar.org para organizar o deslocamento. STOP AOS PROCESSOS NOS TRIBUNAIS ESPECIAIS! DISOLUÇOM DA ‘AUDIENCIA NACIONAL’! CONTRA A MONARQUIA ESPANHOLA, REPÚBLICA GALEGA! 4-F TOD@S PARA MADRID!